நிதி நெருக்கடியில் உள்ள ஆப்கானிஸ்தானுக்கு நிதியுதவி வழங்குங்கள்.... உலக வங்கி மற்றும் சர்வதேச நாணய நிதியத்திடம் சீனா கோரிக்கை.

 நிதி நெருக்கடியில் உள்ள ஆப்கானிஸ்தானுக்கு நிதியுதவி வழங்குங்கள்.... உலக வங்கி மற்றும் சர்வதேச நாணய நிதியத்திடம் சீனா கோரிக்கை.

 

நிதி நெருக்கடியில் உள்ள ஆப்கானிஸ்தானின் மறுகட்டமைப்புக்கான நிதியுதவியை மீண்டும் தொடங்குமாறு

சீன வெளியுறவு அமைச்சர் வாங் யி புதனன்று உலக வங்கி மற்றும் சர்வதேச நாணய நிதியத்திடம் வலியுறுத்தியுள்ளார்.

ஆகஸ்டில் தலிபான் கையகப்படுத்தப்பட்டதன் விளைவாக, காபூலுக்கான மத்திய வங்கியின் சொத்துக்களில் பில்லியன் கணக்கான டொலர்கள் முடக்கப்பட்டன மற்றும் சர்வதேச நிதிய நிறுவனங்கள் நிதிக்கான அணுகலை நிறுத்திவிட்டன. 

இருப்பினும் மனிதாபிமான உதவிகள் தொடர்ந்து நடைபெறுகின்றது.

இதனால் ஆப்கானிஸ்தானின் வங்கிகளில் பணம் இல்லை, அரசு ஊழியர்களுக்கு ஊதியம் வழங்கப்படவில்லை, உணவுப் பொருட்களின் விலைகள் உயர்ந்துள்ளன. 

சர்வதேச நாணய நிதியம் செவ்வாயன்று ஆப்கானிஸ்தானின் பொருளாதாரம் இந்த ஆண்டு 30 சதவீதம் வரை வீழ்ச்சியடையும் என்று கூறியுள்ளது.

இது சர்வதேச நாடுகளுக்கான அகதிகள் நெருக்கடியைத் தூண்டும் அச்சத்த‍ை உருவாக்கியுள்ளது.

இந் நிலையில் ஆப்கானிஸ்தானின் அண்டை நாடுகளின் வெளியுறவு அமைச்சர்களுடன் வீடியோ இணைப்பு மூலம் பேசிய சீன வெளியுறவு அமைச்சர்,

ஆப்கானிஸ்தானுக்கு அனைத்து முனைகளிலும் மறுமலர்ச்சி, காபூல் மீதான ஒருதலைப்பட்ச தடைகளை நீக்க அமெரிக்கா மற்றும் பிற மேற்கத்திய நாடுகளும் தலையிட வேண்டும்.

கொவிட்-19 ஐ எதிர்த்துப் போராடுவதற்கு ஆப்கானிஸ்தானுக்கு மேலும் தடுப்பூசிகள் மற்றும் மருத்துவப் பொருட்களை வழங்குவதற்கும் உலக சுகாதார ஸ்தாபனத்துக்கு அவர் அழைப்பு விடுத்தார்.

அதேநேரம் நிதி நெருக்கடியில் உள்ள ஆப்கானிஸ்தானி மறுகட்டமைப்புக்கான நிதியுதவியை மீண்டும் தொடங்குமாறு சீன வெளியுறவு அமைச்சர் வாங் யி உலக வங்கி மற்றும் சர்வதேச நாணய நிதியத்திடம் வலியுறுத்தினார்.

மேலும் 30 மில்லியன் டொலர் மதிப்பிலான அவசர மனிதாபிமான உதவியை ஆப்கானிஸ்தானுக்கு சீனா அனுப்புவதாகவும் வாங் யி இதன்போது உறுதியளித்தார்.